महत्त्वाची बातमी: महाराष्ट्र राज्यात रेशनवर पुन्हा मिळणार रॉकेल! पाहा कोणाला आणि किती मिळणार लाभ?

महत्त्वाची बातमी: महाराष्ट्र राज्यात रेशनवर पुन्हा मिळणार रॉकेल! पाहा कोणाला आणि किती मिळणार लाभ?

रॉकेल वितरण

    नमस्कार मित्रांनो, आपल्या सर्वांसाठी एक महत्त्वाची आनंदाची बातमी आहे. महाराष्ट्र शासनाच्या अन्न, नागरी पुरवठा व ग्राहक संरक्षण विभागाने २५ मार्च २०२६ रोजी एक नवीन शासन आदेश निर्गमित केला आहे. सद्यस्थितीत एलपीजी (LPG) गॅसच्या तुटवड्यामुळे निर्माण झालेली परिस्थिती पाहता, राज्य शासनाने पुन्हा एकदा मर्यादित स्वरूपात केरोसीन (रॉकेल) वितरित करण्याचा निर्णय घेतला आहे.

     या योजनेचा लाभ कोणाला मिळणार, किती लिटर रॉकेल मिळणार आणि त्यासाठी कोणते पुरावे लागतील, याची सविस्तर माहिती खालीलप्रमाणे आहे:

१. रॉकेल वितरणाचे प्रमाण

केंद्र शासनाने महाराष्ट्र राज्यासाठी एकूण ३,७४४ किलो लिटर (३७,४४,००० लिटर) रॉकेल मंजूर केले आहे. यानुसार:

• प्रत्येक पात्र कुटुंबाला किंवा शिधापत्रिकाधारकाला (Ration Card Holder) ३ लिटर रॉकेल देण्यात येईल.

२. कोणाकोणाला मिळणार लाभ? (पात्रता)

शासनाने या वितरणासाठी प्राधान्यक्रम ठरवून दिला आहे:

• AAY (अंत्योदय) व PHH (प्राधान्य कुटुंब) शिधापत्रिकाधारकांना प्रथम प्राधान्य दिले जाईल.

• उपलब्धतेनुसार श्वेतपत्रिकाधारक (White Ration Card) देखील पात्र असतील.

• शिधापत्रिका नसलेली कुटुंबे: ज्यांच्याकडे रेशन कार्ड नाही, त्यांना ग्रामपंचायतीचा रहिवासी दाखला दाखवून रॉकेल मिळवता येईल.

• स्थलांतरित मजूर: मजूर देखील केंद्र किंवा राज्य शासनाचे ओळखपत्र दाखवून रॉकेलसाठी पात्र राहतील.

३. वितरण कालावधी

    हे वितरण मार्च २०२६ या महिन्यासाठी असून, वितरणाच्या तारखेपासून ४५ दिवसांच्या आत याची उचल करणे बंधनकारक आहे. जर या काळात रॉकेल घेतले नाही, तर ते पुढील महिन्यासाठी ओढले (Carry Forward) जाणार नाही..

४. जिल्हावार वाटप (काही प्रमुख जिल्हे)

शासनाने जिल्ह्यानुसार कोट्यानुसार वाटप केले आहे. उदाहरणादाखल काही जिल्ह्यांचे वाटप खालीलप्रमाणे आहे:

• नाशिक: २२८ कि.ली.

• अहिल्यानगर: २१६ कि.ली.

• पुणे ग्रामीण: २०४ कि.ली.

• जळगाव: १५६ कि.ली.

• नांदेड: १५६ कि.ली.

(तुमच्या जिल्ह्याची माहिती पाहण्यासाठी शासनाचा  GR पहा.)

५. रॉकेल कोठे मिळेल?

    हे रॉकेल तुमच्या गावातील किंवा नजीकच्या रास्त भाव धान्य दुकान (Fair Price Shop) किंवा अधिकृत किरकोळ रॉकेल परवानाधारकाकडे उपलब्ध होईल. जर तुमच्या गावात विक्रेता नसेल, तर शेजारच्या गावातून ते उपलब्ध करून देण्याची जबाबदारी प्रशासनाची आहे..

महत्त्वाची टीप:

    रॉकेलचे दर आणि विक्रेत्यांचे कमिशन याबाबत शासन लवकरच स्वतंत्र आदेश काढणार आहे. तसेच, या रॉकेलचा वापर केवळ घरगुती इंधन म्हणून करावा; पेट्रोल किंवा डिझेलमध्ये भेसळ करण्यासाठी केल्यास कठोर कायदेशीर कारवाई केली जाईल, असा इशाराही शासनाने दिला आहे..